XX大餐

 我又出關啦...hahaha..其實呢我唔係幾好意思寫呢個係聖誕大餐, 事關我成日出post都慢幾十萬拍, 咩都hea爆, 鑊鑊都out晒date..hhahaha.....

嗰日(突然唔記得係平安夜定聖誕節), 本身就無咩plan,唸住響屋企攤屍forever, 都係唸住求鬼其食外賣咁。但係, "世事無絕對"呢句嘢係咪真我就唔知, 但我好肯定既係"mary無絕對" hhaha..攤攤下屍, 突然好似出竅咁坐直咗, 一股想煮嘢食既氣場突然衝擊腦袋!當時大約係4:00pm, 個天落住毛毛雨, 又暗, 但都影響唔到我突然既一股衝動!就係咁快手快腳求其化妝求其換衫就衝出銅鑼灣, 因為衝動既野真係會一瞬即滅!!

出到去city'super人山人海到呢, 好似唔洗錢咁, 本來我都係唸住快手快腳買完走, 但一個身在銅鑼灣既女人又點會咁容易離開, 不過我好叻,大約兩個幾鐘頭就返屋企lu!不過因為時間關係, 其實好hea咁煮左好少野咋!

湯就梗係唔洗講係我地兩個都勁中意飲既特濃磨菇湯啦!!每次飲呢個湯都覺得超幸福!!

主菜就係漢堡扒蕃茄乾意粉,搭肉批, 而甜品係焗蕃薯。大家想像到咩叫飽到失去理性呢!!hahahha...

個肉批係勁香, 流晒出黎勁juicy!!!!

 

比10秒大家唸下我呢餐有無咩特別呢?
10......
9.....
8.....
7.....
6......
5....
4.....
3......
2......
1.....
如果你睇得出你就真係好眼力兼好鬼了解我, 如果係睇唔出既都係正常, 因為連我自己都有d懷疑自己。無錯, 以上你睇到既, 係一粒肉都無既素餐!就係以下兩包嘢啦!

 

所以話呢, 無肉都可以好好食架!

最後祝各位HAPPY NEW YEAR!!!