我每日都會上磅, 因為咁樣先可以保持自己唔會肥得太放肆, 就算見到自己重左0.5磅都會識得收歛。呢個動作我通常都係返工換衫時順便磅埋。但係!哈哈哈...但係呢排堅凍, 懶床時間每日都比早一日長, 每日都面臨大大大遲到...哈哈...仲邊有咁多閒情逸緻磅重丫!!就係咁兩個禮拜後既星期日, OMG!!2磅!!2磅!!好人好姐兩個禮拜肥2磅!只怪我呢排又整蛋糕又整糖, 雖然主要整比老公, 但自己都不其然食多左囉, 痴孖筋!!!
好啦!又黎蛋糕啦!紅豆同埋綠茶係永恆既好朋友, 勁夾味, 今次試下用蒸黎整, 又ok wor!睇落都幾好樣!突然了起條筋想整, 先發現原來屋企無晒奶, 求其用維他奶頂住, 因為較甜,所以減左糖。用維他奶好似香d咁, 唔知係咪錯覺呢?兩條友即場加埋隊左3個, 老公帶左3個返去做早餐, 點會肥ja!肥係因為我凌晨1點幾食蛋糕之麻...哈哈..
材料 : (7個muffin模)
蛋 - 1隻
低筋麵粉 - 90g
砂糖 - 25g
維他奶 - 60ML
油 - 1湯匙
綠茶粉 - 2茶匙
泡打粉 - 4g
現成紅豆蓉
1.蛋和糖打勻
2.倒入奶和油拌勻
3.最後將粉類篩入拌勻
4. 將麵糊倒入紙杯至1/3滿,放入muffin模內
5. 放入紅豆蓉, 再倒入糊糊至8成滿
6.大滾水蒸15分鐘,在面再放紅豆蓉裝飾, 攪惦!
好中意今次既成品, 夠圓顏色又靚 !
睇下個餡先...歪咗!!hehe..
真係好靚喎﹗好似好簡單咁, 不過應該考功夫吧﹗無信心tim, 如果唔用muffin模, 有無其他可以代替？
回覆刪除博師奶, 係好簡單架!!一d技巧都無, 只要d料攪得滑滑就ok, 紅豆都係現成罐頭。
刪除用muffin模係因為懶靚費是個面會裂開, 即係好似發糕咁, 如果無所謂個面有d裂, 可以用硬身既蛋糕紙杯放響碟上蒸都ok!^.^唔會影響味道。
用麵包機整得唔得？
回覆刪除我無麵包機所以唔太清楚呢!但用麵包機即是焗，那就可以把泡打粉減半，但時間我真的不太清楚了!
刪除妳肥兩磅全因為你老公？妳老公一定好好人！呢款超級綠茶蛋糕好有大廚風範,,,,,
回覆刪除你老公又肥幾磅了,,,,,,哈哈
哈哈哈，佢梗係一個好人啦!唔通我會嫁比一個賤人咩!哈哈哈
刪除大廚風範勁誇張，但我老公肥了是真的，哈哈哈
真係冇野難得到你喎.
回覆刪除簡單野梗係難我唔到!好似整麵包d複習野我就無從入手了:-(
刪除綠茶紅豆我至愛，下次叫埋我食，妳咪唔駛肥咁多囉，嘻嘻
回覆刪除咁又係呀!你食極都唔肥，我飲杯水都肥架!
刪除醒wor，即刻諗到用維他奶
回覆刪除哈哈，無計，佢係全屋唯一既奶類!
刪除蒸蛋糕好食D， 夠濕潤。 用維他奶又幾得意喎。
回覆刪除係呀係呀!我好怕乾，蒸岩晒我!原來用維他奶又work wor...hehe
刪除唔怪得肥左又遲晒到啦!! 成點幾先整蛋糕!!! 咁都得!!!!!!! 真係痴孖根!! 哈))))))))))))))))))))))))))))))))))))
回覆刪除Hahahaha...我係好即興既人，突然想整就整，肥同遲到係過後既事唔關我事..ahhahaha
刪除睇見真好想食,好靚呀,緣茶加紅豆也是我至愛,真有些冲動禮拜日学吓做,祝我成功吖!!!
回覆刪除媽咪你整蛋糕我都未出世，你唔好咁謙啦!哈哈哈，祝你成功!
刪除蛋糕仔好可愛~~紅豆綠茶最夾，我都中意^^
回覆刪除謝謝艾華斯!紅豆綠茶係不敗既組合呢!
刪除蒸得好靚仔喎.
回覆刪除我自己今次都勁滿意個樣!
刪除有得整冇得食好慘架嘛....( T_T )食多左唔怕啦,跳返多D鄭多燕咪得囉,哈哈~
回覆刪除呢個蒸蛋糕好有水準,又簡單,可以試整(o´罒`o)
係呀我唔理架，一定照食，做多d運動啦惟有。
刪除謝謝你呀小漫，我都好滿意今次個蛋糕!
咦?個POST有香味o既?
回覆刪除嘩你把口咁甜既!hahahha...証明你有異能，post都聞到味..hahha
刪除我真係整左.但我\買唔倒綠茶\粉,又忘記落油.整出來雖然沒有你整的咁靚,但很好食,味道適中,又容易整,我會再整,因為家人都很喜歡吃,
刪除