網頁

16.8.19

黃腫腳,不消提



香港受傷,令人好痛。

我對腳受傷, 好很痛!!

上星期5, 放工時, 重插水仆街, 一隻腳90度腳眼惦地式拗柴,呢一拗太甘,成個人仆前, 另一隻腳舊皮(肉?)剷走咗😎

嗰一刻,我以為我隻腳掌飛走咗..haha...因為頭一刻我痛到無咗感覺, 好似無咗「腳」呢樣嘢咁!好彩有同事響度, 問題係我大隻過佢囉, 佢無可能逗起我, 但佢最後逗起咗我...hahhaa...

同事勁好, 送埋我返屋企, 我將佢當拐杖, 因為我隻腳掌有條條fing嘅感覺><

返去剪開條褲一睇, 哇個傷口好深, 好嘔心😎

即刻call老公返嚟同我去醫院, 因為一定要照照x光。

但我唔想call白車, 因為我覺得我可以坐的士就唔用呢d資源, 去到醫院我老公叫咗100次要我上輪椅, 有姑娘同嬸嬸都叫我坐輪椅, 但我覺得坐輪椅個樣好虧, 我堅決唔坐。我發覺,我個人原來都好頑固如老頭, 我老公一向形容為極任性, 雖然我都好認同我係需要坐輪椅, 不過我就係唔中意, 總之我唔中意聽話,哈哈!


最後無斷骨,好彩我好幾年前受過一次比今次嚴重嘅傷,(好彩?haha..),洗咗1個月傷口, 所以我學識咗點樣處理同洗傷口, 我響屋企長期有專業處理傷口架撐, 雖然姑娘比咗紙我去洗傷口, 但我唔會比機會人虐待我..haha...所以而家每日兩次自己洗傷口, 加埋去睇家庭醫生攞咗d抗生素, 我估應該兩星期會好好多, 雖然而家兩隻腳都勁腫, d瘀血又發晒出嚟核核突突咁..haha..

最恐怖嘅事係, 上個月我同同事講, 每年, 係,每年嘅8月都有事發生我身上,仲一定係衰嘢,唔知今年又會發生咩事, 佢話, 你唸下8月即係農曆幾月先得ga👻.....

不過我係一個好樂觀嘅人, 雖然係有意外, 但起碼行得走得, 雖然暫時慢d!
加埋, 因為我而家爬得好慢, 鬼節當日,比我遇到我樓下舞龍, 我無自信可以快得過條隊, 你無理由響佢地前面打橫慢慢爬過ga, 咁我惟有默默企響到等, 點知條龍舞到我隔離時, 突然盤龍, 喂龍喎! 我當係directly對我祝福, 同埋用龍嘅霸氣幫我驅走衰氣!
嘩夾都無咁準喎, 時間位置剛剛好喎!你當我8痴阿Q!!!aah...

呢排好少入廚房, 因為入得廚房閒閒地都要企兩個鐘, 不過都有煮d好簡單嘅晚飯嘅, 鰻魚炊飯, 簡單又好味, 係ya有雞蛋, 因為我唔中意介口..hahaha😎


15 則留言:

  1. 拗柴同對鞋有冇關呀?
    其實食蛋應該冇問題

    回覆刪除
    回覆
    1. ee!!你真係勁勁勁聰明!
      因為我所有波鞋都係高筒,而又因為我由細到大都有壞習慣一企直就中意將腳拗落地,所以腳餃係較鬆,但呢排好熱所以史無前例換咗對較輕便但唔係高筒嘅波鞋,點知可能地唔平,一拗無嘢包住就變90度😎

      刪除
    2. 好返曬未?以後要㨂鞋著。

      刪除
  2. 戥妳慘呢,get well soon

    回覆刪除
    回覆
    1. thanks!已經好返好多了!

      刪除
  3. 我都覺得洗傷口真係好好好好好痛!個時手指整親,我都係揀學完之後自己返屋企洗>_<
    你要快D好番呀,行路小心D~~

    回覆刪除
    回覆
    1. 後生姑娘大部份好好人好細心,哇遇過d老姑娘又多嗲又粗魯咁洗,覺得佢直頭冷血,都係自己洗好d!

      刪除
  4. 睇都心驚膽跳.
    我有豐富PK經驗, 試過兩次唔睇路, 中落兩, 三級樓級, 差D咀個地下, 雙膝都開花, 又扭傷, 醫好耐, 而家有舊患. 唉.

    係醫院我會做乖病人, 因為唔用佢提供既枴杖, 輪椅, 佢地上司睇見, 或者有事再受傷, 佢地會比人鬧. 詳情可以睇我當年開完腦留醫同比貓咬住院既「入廠」網誌分類啦.

    回覆刪除
    回覆
    1. 我知你成日踩單車pk經驗豐富🤣🤣
      嘩如果咀落地就真係大鑊隨時牙都爆!!
      其實我而家唸返當日無用輪椅真係有d危,下次盡量唔拗氣..haha

      刪除
  5. 真係要小心小心,行路唔好睇電話,而家D路用磚砌成,一定唔平㗎,經上次好似俾車撞咁,好驚㗎😢
    講真碗飯好好味😋

    回覆刪除
    回覆
    1. 我無行路睇電話啊!絕屬意外!我唸起都驚,好彩唔係響馬路☹️

      刪除
  6. 唔好唔開心,唔好迷信呀。 意外人人都會遇到。 希望你快D好番,之後做下物理治療之類, make the muscle stronger。

    回覆刪除
    回覆
    1. 哈鬼節呢part純粹攪下笑
      你啱,我都覺得得要筋骨,太虧!已經plan好好返之後點樣練好自己,thankss!!

      刪除
  7. 睇文字都覺得痛. 小心睇路呀!!
    唉...香港而加真係好病...好SAD

    回覆刪除
  8. 好返晒未?take care!🐈

    回覆刪除

LinkWithin

Related Posts Plugin for WordPress, Blogger...