呢排太熱太翳焗, 落一落街已經周身濕晒, 個身臭過垃圾!!
大家知我係冷氣狗, 本來已閉關, 唸住等冬天先出街...haha..點知竟然閉關前買漏嘢...心唸呢d天氣出銅鑼灣係自殺式!好在我老公見我同部冷氣生離死別咁款, 即刻拍心口話佢頂!於是佢又出咗去幫我做跑腿...hehe
咁佢咁有義氣梗係要慰勞下佢嘅!問佢想飲咩湯,食咩呀咁, 佢話想飲利賓納!
hahaha...佢唔係咁兒童真係想飲利賓納, 呢個係我地屋企叫法, 其實佢想飲洛神花!ok, 呢d屋企隨手有啦!
呢個係夏天成日煲嘅嘢, 因為酸酸甜甜咁, 又可以消滯, 不過體質太涼就唔好飲咁多喇!
我用洛神花乾, 山楂各手拿兩大揸, 1-2支甘草, 如果有烏梅就加1粒,會仲好飲。
略洗, 煲25分鐘, 加冰糖, 當然如果你想健康d可以用羅漢果, 但我中意用冰糖多d..haha
我老公就中意雪凍飲, 我好怪雞, 飲酸嘢我中意飲熱嘅, 所以橙汁我都係飲叮熱嘅..haha
我完全兩日無出過門，屋企有咩煮咩，簡單整個薯仔沙律磨菇三文魚，加埋杯洛神花已經滿足晒!
同場加映，行過見到dingding懶文青咁若有所思，原來個樣都幾少女..haha
兩樣材料都好酸架！我試過煲羅漢果就落幾粒山楂，可以降膽固醇。
回覆刪除係㗎，仲可以消滯，我通常只會夏天煲，好過我老公成日死去飲汽水!
刪除都係ding ding吸引過妳啲晚餐
回覆刪除我唔信，我唔信!!
刪除但係點解dingding同食物比較嘅？hahhaha..
洛神花茶我都只係喺香港飲過一次
刪除因為除咗洛神花茶，妳個晚餐唔啱我胃口，哈哈
HAHHA...好大打擊呀...HAHAH
刪除我就唔適合飲，不過，後生女若在生理期都係少飲為妙。
回覆刪除嘩我係極熱底，我咩期都飲得!haha..不過我成日d涼茶，比我讀中醫嘅表姐睇到都面青，佢話我真係受到好涼🤣😁
刪除我燥熱底，幾時飲都得，飲完清熱氣人都瞓得好D，叮叮住得舒服過舊屋😎😎😎
回覆刪除好過你飲汽水呀蛋散!
刪除我都住得舒服過舊屋😎
咁勁！屋企有咁多存貨可以兩日唔出街！
回覆刪除我都中意洛神花酸酸甜甜嘅味^^
我屋企最多係食物!我唸10日都應該頂到!hahha..
刪除洛神花同山楂真係好襯!
洛神花我一向麻麻地喜歡呢，我家袁生更加係抗拒個隻
回覆刪除抗拒咁誇點解嘅？因為酸？
刪除咁啱尋日LUNCH係士打不買左杯洛神花茶飲, 酸酸地幾好味啊~ 不過就幾狠貴... >< .. 都係自己煲好...
回覆刪除喂, 你巧奇怪, 橙汁要熱飲.... (笑死...) 哈))))
嘩打爛飲好正咁喎!!不過最衰我d係乾!
刪除wei ar!!你試一次吖，我媽初初都話熱橙汁怪雞，試過都變左以後飲熱，堅好飲㗎!
報告：ding ding已經電暈咗CoCo……😻
回覆刪除