新貓樹

尋日搭小巴返屋企時, 見到d嘢,令我擘到對眼比隻鑊還要大!hahah...唔係見鬼!係見到我個位斜前面有人睇緊電話, 當我立一立眼, 見到我blog個header, 即刻個心離一離, 原來佢響度睇緊我個blog!!hahahha...okok, 可能對大家嚟講係好小事, 但我認我性格仍然小學雞, 我係勁興奮!嘩頂咁都比我撞到唔係吖嘛,痴線有無咁橋呀!!直至落車我仲見佢睇緊, 好滾動!!我老公仲問我有無行埋去同人講我係我, 低能!呢種7到核爆既嘢我梗係唔會做啦!!!hahaha...不過如果有一日你響街睇我個blog, 又發現後面有條友響度好猥瑣咁笑到keikei聲既可能正是本人..keikei...

好喇, 講完百痴嘢就入正題啦!呢壇嘢已經係早排既事, 不過因為我忙住懶, 又比美國篇打晒尖所以而家先出。

話說呢,dingding棵貓樹其實係同佢同年架喇, 而我一路都想幫佢換過棵新。but!ms.lazy係我真名, 所以就齋訓響度唸但就無行動過..hehe..到有一日連電生都頂唔住話不如同dingding換咗棵貓樹啦。其實我心目中已經想買日式無毛貓樹, 即係得木,個面無鋪絨毛嗰d,但上網睇左一大輪都睇唔岩, 就係咁, 我人生第一次上淘寶買嘢喇...

唉往事不堪回首, 由買至比錢至收貨既過程唔好提喇!我唔想用太大篇幅去形容本人有幾智障, 大陸既culture同language有幾難明, 頂總之就係活到老學到老啦,妖!

貨嚟到, 我唔記得我係cheap精唔想比$30定係想早d攞貨, 我決定去速遞公司自取!點知去到見到件貨仆佢個街呢鑊真係唔荒唔自取, 係自取滅亡!!頂洗唔洗包到棺材咁大!!okok, 係,我無影相, 因為我老公谷到塊面紅晒咁拎住件貨已經想殺晒全地球人咁樣, 如果我再要影相佢可能真係要我訓入個棺材裡面...hahahha

咁返到去直接響屋外面unpack, 因為無咩可能入到門口!講真, 佢地真係無咩必要包到咁浮誇囉!其實就係呢堆野喇!

另外因為舊樹係我老公加工釘左個大藤籃響最頂, 所以照辨煮碗我另外都買多一個大籃釘落新樹度!話時話, 有無人記得ikea以前係有寵物嘢買, 舊大籃就係出自ikea, 真係大到爆, 竟然連淘寶都搵唔到比佢大!

嘩ding竟然咁主動未裝就坐左上去, 我仲唸緊個磨合期要唔要半年tim!!

咁我老公就開始裝嵌喇!

唉其實我覺得佢都係姓電襯d, 佢應該唔可以姓木!因為佢既木工真係......ok嘅....手忙腳亂左d咁囉...

dingding好似知道就快同佢棵舊樹say bye, 平時好少入呢格, 突然無la la發姣發凳咁響裡面補蛋!

最後都係要出嚟8掛

扮監視

其實好快就比其他嘢吸引走開左(大家有留意, 我影左3張相我老公都係做緊同一動作...hahhaha....佢真係做得好"細緻"...hahahha)

細緻到世界末日都未得, dingding忍無可忍去左覆周公機(好old school)...hahhaha

la la la..攪惦!!好中意無毛樹, 同有絨毛比, 感覺乾淨d!

好叻豬呀電生,"終於"攪惦! 掌聲鼓勵..啪啪啪啪啪啪...(其實係掌刮聲..hahhaa)

wowoow..位置fit晒!好安慰, dingding第2日就肯用喇!

但, ding姐係一隻有要求既煩貓(煩膠!), 睇嚟佢既畏高症發作, 最後要整矮d佢先捨得用!對貓奴嚟講, 佢肯用新嘢就等於羸咗舖大細!!!

補飛 : 

哎呀,好驚呀, 呢個post好似勁踩我老公咁, 我驚佢會嬲到靜坐屎塔抗議, 其實我老公因為平時太出色喇, 攪到成日唔小心對佢要求太高!佢都不知幾叻, 又靚仔又盛, 又入得廚房出得gym房....(下刪1000字)