去美國發癲 - 雜不甩篇(上)

今次去美國唔算影左好多相。一來因為初去時都係keep住落緊雪, 廢事拎部機出嚟整濕晒。二來已經唔係第一次嚟無咩大驚小怪。但有好多嘢都係好值得記得落嚟既!

飛前執行李, 例牌梗係我老公幫我執啦!haha...突然覺得自己好仆街,好似拋夫棄貓咁, 新年流流年廿八就自己飛走咗, 仲一走走21日, 突然懶感性同佢講不如改機票啦...咁佢梗係話痴線梗係唔好啦!(我就係知你會咁答先問..hoho)咁其實我係真心覺得自己仆街, 但無計, 我預計我每年都要仆街一鑊, 一來我老公絕無可能攞到咁長假期, 二來我覺得我一年見一次自己屋企人都唔係好過份jar!(請漠視此人cute爆睡衣..hhee)

前post都講過, 屋企最後一個老姑婆終於嫁得出, 婚期未定, 但其實對我嚟講, 我一早已經當妹夫係一家人。突然又懶感性覺得, 細個打架既日子好似唔係好耐之前發生咁(其實只有我打佢哋..haha), 轉眼我哋3個變態婆竟然都搵到我哋既mr.pig..hahhaa
嗱, 好明顯左邊最大粒石既係仍然處於訂婚階段既求婚介指, 結左婚就會變成側邊嗰兩位咁, 好平實..hehe

笑我無聊啦吓!我終於第一次搭到subway!hahaha...因為我同細妹都中意行路, 所以有一日行街shopping我哋都無揸車, 仲搭到勁遠!而我都話我哋長期無聊加笑點低, 沿線笑到爆炸!我覺得難忘架!

我成日都唔明點解我哋父母咁正經, 但會生咗3個都係癲既,就算唔係癲都係成日無里正經, 尤其是我呢d過度活躍症患者, 你叫我坐定定我可能會死, 係悶死!坐車坐得好攰要伸展一下!媽響前坐收到呢張相即刻問我地係咪想死!!!hahhahaha...我哋好孝順呀!hahhaha..

嘩, 睇戲見過, 第一次見呢種長車!! 

shopping時見到有好多star wars product, 咁我老公又好鬼中意, 同老豆樣樣睇下研究下, 因為佢想買d嘢送比我老公。

響我哋左一句star wars,右一句star wars響度講講講時, 我媽行埋黎問我哋 : 乜你哋要買「沙鍋」咩??

喂呀媽咪!!!!!!!哈哈哈哈哈哈哈哈哈哈哈哈哈!!!!!!笑到我咀角都爆埋!!!!!

                                    

大妹知我最後一個星期會負責煮飯, 咁佢都會返嚟食既, 變左佢屋企會多咗餸, 佢話如果佢返左工, 媽有後備鎖匙可以去佢屋企攞。嗰一刻我覺得呢個動作好幸福, 因為對我嚟講, 響香港, 係唔會有返外家食飯飲湯呀, 我去你屋企攞嘢呀....嗰種同家人有緊密聯繫既情形發生。anyway, 其實向好方面唸, 我係好自由既..haha..咁佢同爸媽屋企只係十幾分鐘車程, 最後我偷咗d蔬菜,芝士...咁益力多梗係即刻飲啦..haha

仲可以非禮天竺鼠..hehe

大家都知道, 因為我好死憎人惦我既關係,所以我一向都係自己同自己剪頭髮, 有時會客串幫老公剪, 點知舊年阿媽返香港幫我修過左一次, 呢個師傅剪得唔錯, 所以再mark佢, 同佢講, 我唔係好想.....太....齊.....

"擦!!!~~~~~~~"一聲

媽咪後面發生咩事??????!!!!!!

剪左!!!?????

跟住我就開始發出咒怨, 我阿媽仍然無理我修修修....最後...大家都讚讚讚...hehehe...我阿媽話佢聽到咒怨其實有d壓力...我只可以講, 人靚就點剪都靚...呵呵呵

哎呀, 手跛, 下集繼續同大家講無聊事^^