哇哈哈，我已返咗嚟外家。我已經好掛住dingding喇!😫
好lucky,唔凍，大約3度，對我呢d冷氣狗嚟講好正呀！又唔洗著大舊羽絨，有頸巾就做得人!
我好傻仔，我唔記得年年都係新年返，但今年係新年“前”返，所以成架機full到痴線，我都係第一次有人坐隔離..haha..但極好彩攞到第一行，可以完全伸展雙腳!
跟住過關都有攪笑嘢，咁前面有4個大媽，完全唔識英文又唔識程序，其實佢哋係可以一齊過，但佢哋打散過，一個玩一輪，個移民局叔叔已嬲嬲豬煩死，點知到第二個時第一個又唔走，同後面3,4一齊叫hill,其實我都唔明因為佢哋係講緊鄉下話，突然聽到姊妹兩字，我同隔離line個女仔一齊叫咗出嚟比移民叔聽..hahhaha..佢即刻get到佢哋姊妹情深死唔肯走，即叫翻譯過嚟ko佢哋!嘩頂呢度阻住我好耐囉頂佢!跟住到我時，移民叔懶攪笑問我係咪都係佢哋姊妹，嘩我尖叫因為佢哋都W係老人!haha..大家吹兩句水佢仲話你哋又好啦，新年咁多假，我哋我一日咋..hahah...半分鐘放行 yea!
到最後過海關時，遞完海關申報表唸住走，海關話你個表寫一個人嘅，我係呀，佢指住我後面，嘩唔係有鬼呀!真係有鬼，不過係鬼仔，唔知點解響我隔離!我話我唔識佢，點知講完個細路攬住我隻腳，無嘢呀!海關問係咪我個仔，喂大佬好明顯唔同色，呢個時候佢媽先後面施施然死過嚟認仔，妖阻住阿姐!就係咁，我落機至出閘用咗兩個鐘!!!
第二日一早起身就去小shopping,因為大shopping要等埋大妹放假細妹響加拿大返嚟先搏殺!
第一樣shop嘅唔係比我老公，係dingding,一見到個貓窩就好想買!!好舒服呀！
唔係瘦先要增肥，肥都可以再增肥變成太上肥..haha..精神食糧不可少!
返去要幫媽刨蘿蔔整蘿蔔糕,不過我係唔食蘿蔔糕嘅!
等埋妹同妹夫返嚟，打邊爐!call me太上肥!
影多D地方風影呀，睇吓唐人街氣氛，燒爆仗，哈哈
回覆刪除唔知有無呢😎
想死呀響唐人街!好塞車無位泊😣
刪除平時唐人街都已經難搵車位，妳撞著初一、初二，會封街燒炮仗，花車遊行，當然勁塞車兼更難搵車位
刪除乜原來你唔食蘿蔔糕架？
回覆刪除其實應該話唔中意白蘿蔔，有時d齋舖粉多過蘿蔔就會食..haha
刪除我諗Ding Ding都好掛住你，唔知你去咗邊。。。
回覆刪除第一次就有depress,而家呢幾次就無咩😏
刪除妳竟然買啲咁“丫”喼既嘢，咁妳仲點狂買呀
回覆刪除貓窩唔丫嘅，d零食係響度食㗎hahhah
刪除感覺到你開心又興奮的心情
回覆刪除係呀早排太忙，過嚟可以暫時放低香港d煩嘢先!
刪除太上肥!!!!!!!!!! 你就好啦又飛返娘家玩!! 你一個人飛!? 3件大行李! o.O
回覆刪除係呀一條友，下次先同老公，佢無咁多假，兩大一細行李ja!新年快樂呀，過肥年!
刪除好感受到你嘅興奮心情呀太上肥！ENJOY~~~
回覆刪除係香港過年都會不停食嘢，我都唔敢上磅住XDD
其實見到阿媽都係不停食嘢，肥死!我都唔敢磅重!
刪除你過關嘅奇遇好攪笑.
回覆刪除新年快樂呀!