茄汁煎大蝦with伊麵

好似好耐無出post,好耐無去浦blog>< 10月真係好恐怖, 年年都係呢個時候忙到癲咗, 又大壓力, 真係得返半條人命><!

any肥, 而家叫做輕鬆返d喇, 我又浮面喇!hehe..

eeee...呢排打風真係好鬼煩, 本來早排乾乾爽爽好鬼開心, 而家又暴雨又盛, 希望「海馬」唔好真係打到嚟就好喇!唔知大家記唔記得我係住一條樓, 即係好幼嗰種樓, 仲要響海隔離, 仲要側邊無任何樓。所以每次打風響室內都會搖, 會見到魚缸d水同埋d門都會郁, 初初搬嚟時以為地震!!hahah...不過而家都慣晒lu!

一打風比人感覺係屋企都會變到懶洋洋, 有一日響房行出嚟, 嘩頂個心離一離!!!有塊臉呀!!!!!

原來連dingding都賴床..hahahhaha

我老公成日都話想食酸酸甜甜嘅蝦伊麵, 其實我已經好耐好耐無整, 見有mood就整比佢食啦!雖則我與漁民為鄰, 但早起鳥兒有蟲食, 遲返嘅人類無蝦食...hahahhaha...放工太晏啦, 咩都無得買, 惟有去超市買急凍啦!

有牌子有包裝嘅伊麵就無咩油但唔夠好味, 但粉麵廠嘅就多油但好食, 咁梗係揀粉麵廠出嘅伊麵啦!滾水放入伊麵, 一「樣」開就拎起!

我今次唔想就咁整甜酸汁, 想整係茄汁煎蝦碌嘅伊麵版, 睇下好唔好食, 因為食親茄汁煎蝦碌都「損」晒d汁, 嘩成碟伊麵索晒呢d汁一定好正正!先攪碎蒜同乾蔥頭, 愈多愈香!!

預先溝好汁, 我用咗 :

喼汁,茄汁,鎮江醋,蔬菜粉,糖,酒,老抽, 麻油(少)

無錯, 係無水, 我係用白酒開汁, 例牌無份量, 我一路溝一路試味..hehe

爆香晒蒜同乾蔥, 落蝦, 煎到熟咗7成熟加汁料, 兜勻+試味, ok就放入伊麵, 快手兜勻, 蓋上1分鐘, 攪惦食得!!

好好味!!勁開胃!!傳說中食茄汁蝦碌食埋碟底d汁實現到喇!haha