星期六,我要返半日, 老公就唔洗返, 一早佢就車我返工, 響樓下停車場見到架好攪鬼既車, 我趕住返工, 原來老公之後影咗相呢!好得意呀!佢話裡面係單車黎架!
之後佢黎接我收工, 因為我要買拖鞋, 所以落咗灣仔, 因為只有灣仔先有我著開果款人字拖, 我地就開始邊行邊影啦!
首先去咗藍屋:
有介紹呢! 
藍屋門口好可愛!
殊~~唔好嘈到d街坊!
樓下有一間香港故事館, 我地無入去, 因為響門口已經好多野睇啦!有一間中醫館, 門面好懷舊!
行前少少見到聖雅各福群會, 佢地有間陶藝展覽館, 又入去八下先!heee...
原來全部都係一d手造藝術品
原來係廢物利用, 大家見到香口膠盒嗎?
見到d布,其實係披肩/頸巾, 就係用呢部機整出嚟,amazing!!
睇完一輪, 又行前d去到北帝廟, 嘩d老樹盤根好勁呀!
話時話, 黎到呢到已經行咗兩個幾鐘, 有d攰呢!嗱嗱聲落返我最熟悉的銅鑼灣先!嘩!咁早已經充滿聖誕氣氛!
世貿中心既設計岩晒小朋友!
我地既目的地係aeon既日式超市,行過百德新街又到聖誕,又到聖誕...啦啦啦...唔到商舖有自己既聖誕裝飾!
Fashion Walk 自己當然排第一啦!好想偷走呢棵聖誕樹呀!!
Pacific Coffee既聖誕公仔!
行前少少, Franc franc 響d欄杆都套上咗聖誕冷公仔, 落雨咪濕晒咯!又係好靚呀!
大家估下我同邊個巨人合照?
咪就係呢條蛋散囉!From adidas!
起勢咁影呀, 講呀, 玩呀,終於行到去aeon超市!嘩,又行咗個幾兩個鐘, 買到老公架烈火戰車爭d裝唔晒..哈!好滿足!
為咗多謝老公陪我癲咗一日, 晚飯煮既全部都係佢最愛既食物, 有冷麵啦, 我既係冷烏冬, 有佢最愛既炸魚手指啦, 仲有煎日式蛟子!大家都食得好開心!
飲埋杯玄米茶, 簡直超級完美開心盡情的一天呀!
行左成日，仲番歸自已煮野食，你真係好乖喎。
回覆刪除謝謝EE!!^^
刪除其實我唔係好中意出街食, 屋企可以慢慢食又可以歎電視!^^
星期六仲要返?好唔開心喎
回覆刪除我今日都經過名店坊，裝飾得好靚
行成仲煮野，好佩服妳丫
係呀, 我間係舊式公司, 返5日半架..都慣咗!
刪除係呀, 我都估唔到咁早就有晒裝飾!
行得咁鬼攰返屋企食仲舒服過出街食呢!
今日節目豐富！
回覆刪除係呀!少D腳骨力都攰死!
刪除棵聖誕樹好令啊
回覆刪除係呀!!!超可愛!屋企有一棵就好啦!!
刪除D相好有氣氛又有故事性,整件事好清楚,唔怪之得有人要轉載妳D故事喇,,,,.好利害呀！
回覆刪除多謝你呀!!!你好少讚我呢!哈哈...
刪除哈)) 好開心既一個星期六!!! 而家天氣真係好啱出去行下!!! ^-^
回覆刪除其實我中意星期六多過星期日, 星期日訓到死蛇爛鱔唔想出街!!天氣真係好好, 涼涼地又有陽光!
刪除去shopping喎，梗開心滿足啦，不過個荷包就瘦晒身囉，哈哈
回覆刪除shopping能醫百病麻!有老公響度, 瘦佢唔會瘦我荷包呢!哈哈..
刪除好開心呀~~放工兩公婆四圍行又有收穫，好似預祝聖誕咁^^
回覆刪除係好開心呀, 又有得玩, 有得食, 有得影, 天氣又好!^^
刪除我同班生好少去灣仔銅鑼灣, 好多人.... 買咁多嘢, 預早過christmas :)
回覆刪除灣仔我都好少去, 銅鑼灣就成日去, 近麻!反而我好少去既係旺角, 又多人, 又多車仔!
刪除好充實嘅一日！
回覆刪除係好充實呀, 邊行邊影邊8,唔覺攰!
刪除冇人字拖既?
回覆刪除hahhahaha...你好可愛呀!其實只係有軟粒粒突起既拖鞋,好舒服!
刪除行程好豐富喎，而加天氣凉涼地出街真係好舒服。
回覆刪除係呀, 呢D天氣要好好珍惜, 遲d可能又會太凍唔願郁!
刪除Wah, so cute! I want to go all that artistic places!
回覆刪除so i said you need back with dad mom, so we can go everywhere!
刪除節目豐富，拍住拖行街真開心
回覆刪除難得我無plan亂行, 佢又肯部我癲^^
刪除Mary，灣仔銅鑼灣暴走映咗好多靚相喎！
回覆刪除係呀, 果日我地兩條友加埋影左百幾張相!好彩唔係以前d菲林相機jar!
刪除please take me to that HK story place when I am back... .many years later :< hope it will still be there....
回覆刪除