網頁

2.6.20

乾炒牛河



有時, 一日裡面遇到一個仆街就會令你一整天蒙上污點。
相反, 如果你一日裡面, 遇到一件美好的事或者美好的人, 嗰一日都係beautiful day.

就係因為咁, 我成日都好希望令人有一個beautiful day。可能只係一聲問好, 或者一個讚美都可能成就到呢件事。當然我唔知係咪人人都咁容易滿足。

我試過有年平安夜嗰日要返工, 個mood已經好乏味。但遇到鄰居妹妹仔,一齊搭完lift離開大廈時追返嚟講咗句姐姐聖誕快樂! sweet就梗啦, 重點係,我三十幾歲人隨時大過佢阿媽,比個3,4歲人仔叫姐姐wor!ok, 當我自欺欺人, 即時令我乏味感覺無晒, 心情好咗一日..hahahahaha

所以有時就算你遇唔到一個令你心情好嘅人, 你都可以將一d無聊事化成笑話令自己笑足一日!

話說, 我要整乾炒牛河, 咁我老公不嬲好中意食芽菜, 但係我放工時基本上連豆腐檔都閂咗門。 咁我盡力而為今次又去昅昅啦, 點知今次見佢閂檔ing!即刻奪命狂奔!但佢已無銀芽, 咁佢指住一座山話呢個啦,$10!平時買銀芽都係$10一乍仔剛好夠我老公食咁我ok啦!點知...點知...佢比咗一袋有重量嘅我!!
我 : 哇咁多嘅!?
豆腐佬 : 一斤有多啦!
我 : (崩潰)你比咁多我做咩點食啊!!
豆腐佬 : 臨收工嚟買嘢你預咗d嘢平啦!

返到屋企打開睇,唉...咩嚟,個樣咁爛嘅!!
即刻打比老公投訴!
我 : 嘩,佢把聲好似話我突登吼街市閂門去執平嘢,仲比d垃圾我啊!侮辱我啊!嗚嗚...我買起佢成檔嘢都得呀!!嗚嗚..

當然我老公不負所望只會恥笑我!之餘!佢對有一斤芽菜非常開心啦!!==
於是我就好無奈好似阿婆婆咁搣靚d芽菜啦!
當然,我可以咩都唔搣就咁炒,ok 嘅食得嘅,但我想要銀芽囉!

搣到呢個份量, 我就放棄了..HAHAHA...
但呢個故事未完, 講咗食先!heehee..

話說出咗隻韓國植物牛肉, 嘩個樣好正咁!雖然無食牛肉咁多年, 但佢個poster咁吸引, 我都買返嚟試下!

呢隻嘢都幾大塊, 之前跟素媽整咗個金菇牛柳, 大大塊幾好包!

開出嚟係咁嘅樣嘅!
其實佢係無味嘅, 但口感就幾似


我炒河好懶, 無心機炒到個色好均勻, 所以我會用老抽直接用手撈咗d河粉先!

所有材料得咁多, d汁係生抽老抽素蠔油糖水, 雖然d河粉已撈老抽, 但無味,一路炒一路加一路試味

煎炒咗d素牛備用先!睇落好迫真啊!第一次食韓國齋!

因為已上色,所以好快手,同埋因為快就唔洗用咁多油!
 洋蔥->芽菜->河粉->紅椒->牛肉回鑊,easy job!好味啊!

好喇, 講埋未講完嘅故事先!
食完晚飯, 我嘆電視, 嘆嘆下先突然好耐無見我老公...hhahaa..直頭成間屋好似得我一個咁, 於是我行去搵佢, 點知見到佢......
hahhahahahahahahahahaha............
低能仔!!!
佢太專心, 比我突然響後面大笑嚇到成個彈起!
佢仲要懶有研究話街市d婆婆係用水浸住搣, 原因係芽菜會浮面,其他嘢自己會沉晒底,咁就好容易搣喇!
hahaha...以佢嘅時薪,呢兜嘢貴咯!

但因為佢咁低能, 本來我keep咗成晚嘅邪靈眼即刻消失...made my day, 令到我嗰日變成beautiful day!

低能兒童真係快樂無窮!HAHAHHA..

電話有好多Dingding嘅相, 等我show下dingding之日常先!

貓最中意瞓覺, 佢有好多瞓覺位, 但好得意佢一定唔會瞓地下。

貓樹對佢嚟講,係正式嘅床

個肚滿瀉咗出嚟..haha

發發下呆又瞓咗..haha

有排成日見佢裝個頭睇窗外,我睇下佢睇咩, 原來冷氣機條喉痴住牆嗰part甩咗響度條條fing..咁就睇成日..haha

我有時睇我兩個妹d仔女d片, 佢聽到聲又要睇!比你睇晒喇!

最中意睇卡通!p.s. 龜龜姚晃榮響後面做攝石人!











17 則留言:

  1. 其實我都好怕搣芽菜,你老公好心機喎。
    叮叮好可愛。

    回覆刪除
    回覆
    1. 佢之後話粒粒皆辛苦!HAHA

      刪除
  2. 這個方法炒牛河好啊, 等我下次又試試先. 😊貓貓好可愛😺

    回覆刪除
    回覆
    1. 呢個方法阿晒方便,又唔會炒衰!

      刪除
  3. ding ding睇緊嗰套係咪卡通﹖

    回覆刪除
    回覆
    1. 唔算, 係公仔同真人一齊做嘅戲

      刪除
    2. 係咪同古天樂做嗰套貓星人﹖

      刪除
    3. 係呀係呀!!

      刪除
  4. 你哩個方法唔錯,上色夠均勻!
    個素牛肉堅似真~~

    回覆刪除
    回覆
    1. 係啊呢個方法好慳水慳力!
      呢個素牛真係我食過口感最迫真!未試過食韓國齋!

      刪除
  5. 我隻鑊好易黐底, 又唔想買易潔鑊

    回覆刪除
    回覆
    1. 呢個方法炒就係炒嘅時間好短!應該趕得切響痴底前煮完!HA

      刪除
  6. 搣完芽菜後先感覺所有食物都要好珍惜,粒粒皆辛苦😋

    回覆刪除
    回覆
    1. 我都覺!跌咗響洗碗盤都執返..haha

      刪除
  7. 搣牙菜呢個動作永遠都係最辛苦,但炒麵炒牛河冇咗芽菜就唔成事,冇辦法……🤪

    回覆刪除
  8. 新年快樂,身體健康。

    回覆刪除
  9. 好久沒有見到你出現,你好嗎?

    回覆刪除

LinkWithin

Related Posts Plugin for WordPress, Blogger...