蕃茄焗素X

大家過得點啊！呢排係咪好少出街？

上post講到，我虧到衝出宇宙，我當然要好好保重唔可以亂出街啦，好在有一半時間可以home office,同同事夾好盡量都一個人返公司，咁就唔會有咩事一個累全家啦!

我老公送比我嘅情人節禮物，簡直將我虧嘅程度提升到頂點，就係暖水袋!XDXDXDXD
有一日當我變返冷氣狗時，我就會掉返畀佢用，不過真係好暖好舒服呀..hahhaa

響我病其間，d藥令我非常嚴重極度無胃口，咁我d有開心嘅，因為可以唔洗好痛苦咁忍口減下我肥d豬肉,結局係，我唔覺我有瘦到囉頂!

咁胃口而家又返返嚟喇，咁無計啦，繼續做肥豬王囉！響食藥時好口淡，but now...呵呵呵!濃味王is back!

有日好想食d 蕃茄酸酸嘢，醒下條脷，咁其實我幾中意食焗飯，但因為通常都有芝士，所以我唔中意食白汁焗飯，好很漏，蕃茄焗嘅飯，食過大大小小店舖咁多間，只有一間係一班主婦煮嘅係最好味，我研究咗好多次，明明用好少料，但點解咁好味呢！可惜因為佢哋只做到3pm,響之前係無冷場囉，無機會問廚師!!我唔相信佢哋有用味精，因為都係一班媽媽，可能就係媽媽嘅味道掛？

亦因為copy唔到人地嘅好味，惟有用自己style.我希望盡量用多d 新鮮嘢而少落調味料，而好很老土嗰句只要夠充足時間同心機，係一定堅好味囉...老土老土老土..

要切嘅嘢響晒度喇，餸嘅嘢你中意肉又好，或者好似我咁用齋都好，事但，因為佢不是主角!咁d 西芹搣走纖維之後就盡量切細粒，甘筍都係細粒。

蕃茄亂切就得喇!響而家呢個時勢買到d 咁靚蕃茄真係好好彩!

首先講飯，甘筍加入一齊煲。一熟即係一跳制，即刻快快快打隻蛋入去加d 鹽快速攪勻再即刻合返埋個蓋。我敢講咁樣好味過炒飯底!呢個整法其實源於細個阿媽整比我哋嘅做法，細個如果果日老豆唔返屋企食飯，阿媽就煮得盡量精簡，呢個飯我哋叫蛋蛋飯，細個好愛，因為好香蛋香!!如果多人可以用多一兩隻蛋。

跟住煎d 素x,其實我唔係好記得個包裝佢叫素魚素鵝定素咩，因為其實乜春都唔似惟有就叫素x,我加咗蒜鹽煎，頂好鬆化，狂偷食!

我焗嘢一定加菠蘿，記得之期講過呢隻用菠蘿汁浸嘅菠蘿罐頭嗎。

主角嚟喇，就係個汁，先用西芹粒粒起鑊，爆完就倒蕃茄入去，我兩條友用咗5個蕃茄，兜勻就插下佢，等佢必d 汁出嚟，加丁屎嘅水，真係好少好少，細火由佢煲，其間插下佢咁，如果覺得乾又加下水咁，好快你就會見到蕃茄溶咗好多，西芹又唔見咗好多(唔係偷食呀)，咁就可以加d 糖鹽豉油調味，我仲加咗蔬菜粉，菠蘿汁，茄膏，茄膏唔係茄汁，係牙膏型，成份只有蕃茄同鹽，加多少少水再煲煮下就攪掂，我真係偷飲咗好多，太好味味味!!!

唉好攰呀打字，打字都打咁長，煮仲用心機

好繼續，之後就very easy job!

我唔想洗嘢就用錫紙兜啦..hahha
放咗飯之後淋少少汁上去先，咁焗完啲d飯就唔會太乾喇!

d餸砌中間， 菠蘿圍邊， 跟住淋埋淨返嘅汁上去， 盡量盡量唔好淋到中間d餸,如果唔係就會淋曬㗎喇!

嬸埋啲芝士上去就焗得!! 焗到d芝士溶咗就食得呀喇!!好好味啊！(浮誇mode)

大家好兩無見ding, 呢排唔知係咪我成日喺屋企佢覺得人生失去自由咁咬咗我兩鑊囉個死8婆!仲成日個死樣好似撩交打咁! 唉不過我明嘅，細個阿爸阿媽唔喺屋企係最開心嘅時候，鬼叫我成日都要向屋企home office咩,hmmmm