清熱降火冬瓜水

夏天係我呢隻冷氣狗一年一度閉關嘅日子。所有非必要性嘅出街都唔會出。其實我就唔係怕曬,唔係怕高溫, 我係怕濕!我本來都無咩研究, 點知有年返美國娘家,其實都係3X度, 但有乾風吹爭好遠!!!

咁香港響亞熱帶地區又熱又濕又翳焗又無風真係超難頂!所以響戶外工作嘅人真係好勁勁勁!我同事早排去泰國旅行, 買咗支冰凍噴霧比我, 好duck呀!!而家一出門就噴定!

我本身係好中意砌積本同埋砌Puzzle, 咁響呢個閉關日子就可以消磨下時間!雖然我已經砌到間屋每個角落都有, 但好彩我老公無咩嘰嘰趷趷ja!haha..

呢個係今次要砌嘅貓貓, 突登揀dingding嘅黃白色， 成品有一隻瘦貓咁大..haha

每一粒, 係!每一粒都要另外上螺絲, 係呢一個牌子嘅特色, 好啊,好穩固啊!仲可以比我慢慢玩, 呢個係幾個鐘嘅成果,得4隻腳!haha..

OK, 響呢個又熱又濕嘅日子, 煲冬瓜就唔少得!今個星期order有機菜時order咗個冬瓜, 哇完全起晒白粉, 好熟好靚呀!

切開好香

我個人本身就係好容易水腫, 加埋呢d天氣, 我就去執咗 : 

薏米,淡竹葉,燈心花,蘆根, 加大約兩斤冬瓜，呢d都係古人傳落嚟食譜, 死跟無錯!

另外仲order咗d粟米唸住就咁揸住趙嘅, 咁唔好side, 將佢d皮同鬚掉埋落湯一齊煲!

薏米最少浸1個鐘, 其他洗乾淨hea浸, 全部凍水落(大約4L水)煲1.5鐘,嗱, 夏天嘢我一定落糖, 我加片糖雪凍飲。如果想飲咸,就加兩粒蜜棗煲完加/唔加鹽就ok!

呢個水, 清熱降火利尿...飲完我覺得個人無咁腫, 個靚冬瓜都應該居功不少!

一POST一花 :

迷你牡丹百合, 中意佢唔會好似大百合咁, 因為佢完全無味又無花粉, 唔洗驚影響到dingding!

其實都幾靚吖!