好鬼長氣新年大雜薈

浦頭啦浦頭啦!今次應該係我從Blog以來潛得最耐水既一次!其實無咩特別, 不外乎都係因為忙and懶啦!!haha..

報告一下近況先!其實我而家都未放完假, 我到2/3先返工, 所以仲係嘆世界中!之前有一絲衝動返外家過年, 嘩好彩無咋!!大雪到佢丫!我爸媽有好幾日無出過門, 剷雪剷到佢地癲!不過咁, 媽媽將會下個月尾返香港成個月!咁今年都不至於會成年無得見既!

好啦, 又講下我自己,今年終於無犯太歲, 仲一開始就好lucky tim!!話說有日去豐澤買野, 到比錢時, 佢叫我比張卡佢, 我又比左張百佳卡人wor, ok, 因為我塞住headphone關係, 見佢口嗡嗡以為佢問我儲唔儲分, 咁我say yes啦, 點知原來佢係問我用唔用積分扣錢, lucky唔係因為咁, 係扣完個數係$168!ok, 我係好無聊, 但堅覺好意頭..hahha

話說近來發花癲, 好中意種野, 覺得d植物唔死已好有滿足感!haha..比大家睇下新年前既戰利品先!

我一見就滿心歡喜既橙仔!!係草被類植物!

中意到前後買左兩盆!hehe..

不嬲都好中意風信紙, 雖然唔係好襯粗鄙的我..hhaha

仲有個bb響下面冒緊出黎!!花開富貴!(好娘..)

唔好以為我周屋花, dingding會掃平晒啦!所以佢地都係窩居響廁所...

惟一可以走出廳既係蘭花, 放響最高處, dingding大人跳都跳唔到既位!呢個係新年前剛來我家移植好既樣

嘩, 未到年初6就開到咁!!!好靚!好中意淺色花!!花開富貴x2(再娘多鑊!)

好啦, 講完花, 講下情人節先, 今次唔講食, 食好閒啦!話說情人節前有一日同老公傾計, 講到我對佢咁多年黎收過佢邊份禮物最窩心, 我講比佢知, 其實係剛一齊頭一兩年, 有一次我睇電視, 見到有個護膚品廣告, 講左句:幾好喎!過左幾日老公遞左袋野比我, 原來就係果隻護膚品!事關我老公絕對係唔識護膚品, 亦絕對唔會入化妝品店既麻甩佬, 佢竟然留意到仲可以買返黎!呢份禮物比起之後即使係首飾手袋既禮物都比唔上佢咁sweet!

我問佢點解而家唔sweet既..hahha..佢話當時你仲入世未深, 而家你咁大個, 想買咩自己就第一時間買左啦, 仲洗咩我丫...頂, 雖然佢都講得岩既,而家係我買左問佢攞返錢既。 但聽到好無癮囉!我自己一陣咕嚕走開無再討論!

點知情人節見到....

我不嬲好中意聾貓漫畫,我老公話因為我成日響梳化攤屍, 但張氈就霉過霉菜, 於是佢買左張好軟好滑既正品聾貓氈比我!!再加埋頸cool!!!簡直係無敵攤屍組合呀!!!

同我張梳化好襯!!勁開心!!勁中意!!因為我老公超窩心呀!!同埋原來我都唔係好港女jar..hahha..咁容易就開心!haha

 

響我試新野時, 一位就即刻訓上我肚臍霸位, 另一位就拉起件衫隊個背脊叫我抓痕, 忙死人咩!hahaha..呢兩條友真係令我覺得好幸福..heehee..

講完自己又講下dingding大人先!呢排多左響屋企陪佢,實際係成日整古佢!haha...我唔比佢上我大脾, 佢就即刻比面色我睇!!haha..(咒怨mode)

我一指佢即時發老脾 (邪靈眼)

 再指直頭露出僵屍牙!!hahaha...

最後佢頂我一指神工唔順, 逃上大帽山..wakaka

好啦, 最後呢又講下整野食先!今年整左黑糖椰汁薑汁年糕,用左新食譜, ok la, 唔算最好, 下年努力!不過點都好過食街買果d既!

新年主力當然係整糖啦, 因為上年太痛苦, 所以今年只做兩款, 但份量就double!首先當然係最受歡迎既黑芝麻花生糖!整左兩餅, 切到我手痛, 下年要買把糖刀先得!!

pack好比家人先!中間最大包當然係比我親愛的爸媽啦, 另外果d就比妹s.

 

跟住就係黑糖薑糖, 又係做左double!煮時用左大煲, 但都驚佢好似溶岩咁彈出!!今年d薑好靚好多汁, 夠晒辣!!我自己食兩粒已經覺得熱, 但吞左之後辣又無留響口喎, good!!

每次整糖, 我都會等老公唔響屋企自己一個人靜靜咁整, 因為煲糖時要好專心, 今次無咁苯呀!叫埋佢一齊包糖, 成百幾粒又米紙又包裝紙, 做死人咩!老公一向都比我細心有耐性, 而且係完美主意者, 剩係見包粒糖既外形己高下立見, 我真係好鬼hea!左係我, 右係佢...hhahaa

嘩佢做得咁好, 我梗係自動收皮啦..hhaha..成機偷懶走左去, 得返佢一個包!!hahhaha..

我又出返場啦, 最後由我pack到靚靚(見人見智啦下)就寄得lu!!

好啦, 新年事就講得差唔多啦, 黎緊我會努力出返d post啦!!唔好怪我咁死懶呀!!!!祝大家新年快樂!!!(未過新蒸頭架!!haha)