呢排好似好忙咁。定係太熱呢, 總之勁唔想入廚房。老公問我係咪因為好熱唔想煮, 頂, 仲洗問, 梗係啦!買完餸拎到返去已經熱爆, 仲要對住個爐!所以上一代既主婦我真係覺得佢地好鬼勁, 一年365日都會煮, 大家族嗰d直頭煮到滿漢全席咁款, 嘩, 我做唔到囉!
大家都知我係超熱底人, 平時一定會開冷氣加風扇, 但因為我呢d西斜樓, 夜晚個牆都未散熱, 而我把風扇呢係嗰d懶靚瘦瘦一條嗰種風扇, 把鬼!唔係好熱時都頂到既, 好似而家咁鬼熱, 佢成條嘢棟響度完全係好似一條名副其實既死廢柴既企響度望住你一樣!有見及此, 我地呢個2人小家庭, 就兩個人, 兩部冷氣, 兩部風扇, 咁我地就可以一人攬一部近距離直吹啦!哈哈...新買呢部係高身大風扇, 嘩頂, 心情暢快晒!
心情好梗係又煮煮煮啦!話說我老公成日都話要食肉醬意粉, 有日響冰箱摷到之前阿媽返香港買落用左少少既素肉碎, 於是我又試下用佢黎整肉醬意粉睇下似唔似先!
就係呢包野啦!
做戲做全套, 當醃牛肉咁醃佢一粒鐘。(水, 糖, 豉油, 油, 喼汁, 胡椒粉)
洋蔥切粒粒炒細火炒至金黃, 大約20分鐘
下免治牛肉兜勻, 再加入鹽,黑椒,茄膏,再加入罐頭意大利蕃茄,喼汁, 適量水,炆煮至收汁
淋上意粉面,再灑Parmigiano Reggiano,
我再加點普通芝士粉, 200度焗至表面金黃
嘩!唔講都以為一定係豬肉粒喇，好掂喎，肥媽睇見一定話正…哈
回覆刪除我自己都覺得好似，味道都好似，可能因為醬汁係主角!
刪除我都住西斜樓, 放工一返屋企就開著兩部冷氣.
回覆刪除我都係一返黎要著晒兩部，其中一部校時間制早早開定。
刪除靚到丫, 仲要用埋呢D 錫紙兜, 我有理由相信你係0係大家X 買0既.....哈哈~
回覆刪除哈哈哈哈哈哈，其實我除左蛋糕麵包之外焗咩都會用錫紙兜，因為焗完野d兜好難洗，用錫紙兜可以懶!
刪除上一代話以前夏天冇貢熱架
回覆刪除咁又係，以前d屋企都係得風扇，邊洗開冷氣丫!
刪除我最怕熱得來焗，又無風。 咁熱最好食快餐。
回覆刪除係呀翳焗好恐怖，坐響度都標晒油/汗!
刪除咁每年電費咪好“容”
回覆刪除同冬天比都多千幾蚊，都無計啦太熱啦:-(
刪除我屋企都係好鬼哂, 日頭係屋企齋坐都標汁呀!!!!!! XD))
回覆刪除睇相都真唔似素肉, 你仲要用埋個錫紙上, 好有外買FEEL 囉!!! 掂呀!!! 哈))
又標汁，哈哈哈哈哈哈...
刪除我未試過夏天響屋企唔開冷氣，會死!我同北極熊無咩分別。
我都覺得食落唔似素，用錫紙兜唔洗洗得咁辛苦麻..hahahh
整得好靚, 一定好好味 :) 咁熱我都唔想煮，放入爐焗就走人, 一係煮有味飯, 放入電飯煲, 按完掣走人 :)
回覆刪除我呢排直頭放假先煮，差不多日日都外賣，仲要係叫人送上樓果隻，哈哈哈
刪除睇相完全睇唔出係素肉，咁整好正喎！
回覆刪除Thanks芙芙，我覺得用呢種整法整出黎最唔似素，呃得人..hehe
刪除我屋企都係西斜，真係好熱
回覆刪除咁妳平日有冇開冷氣俾ding ding架?
吓?素肉?像真度咁高既?
其實我棟大廈四面都無樓，所以東南西北都斜!
刪除平時我臨走校定風扇開三個鐘，冷氣就較定下午會著，我唸佢應該唔會太熱，如果唔跑既話，哈哈哈
我都覺得呢個整法好迫真，味都係一樣，或者我已經唔記得牛肉咩味呢!
夏天食肉醬意粉會比較開胃些。
回覆刪除酸甜野真係可以增進食慾，不過煮既時候勁熱啦，仲要開焗爐==
刪除好吸引呢！
回覆刪除Thanks qq!過黎請你食^^
刪除多謝呀！^.~
刪除好美味~~哩個我中意，請叮叮送盒外賣嚟得唔得呀？
回覆刪除我驚送到你度無晒芝士..hahah..因為dingding好中意芝士實偷食晒!haha
刪除好鬼正, 我果D要多D cheese 同 Herbs
回覆刪除Mom ask me cook this inyour bday party ar,i will crazy drop many many many cheese!!!!
刪除